Құқық қорғау органдарының және соттардың ТЖ жағдайындағы жұмыс тәртібі туралы

01 сәуiр 2020 Версия для печатиВерсия для печатиPDFPDF

Құқық тәртібі органдары тұрғындар мен қызметкерлерді коронавирустан қорғауға көмектесу үшін денсаулық пен қауіпсіздікке қатысты қосымша сақтық шараларын қабылдауда. Бұл шаралар Қазақстан тұрғындарының денсаулығы мен қауіпсіздігін қорғауға, сондай-ақ біздің қызметкерлердің денсаулығын және олардың қоғамды қорғау қабілетін қолдауға арналған.

Құқық қорғау органдарының ғимараттарына бару

Құқық қорғау органдарының ғимараттарына кіру шектелетін болады. Қылмыс туралы хабарлау үшін немесе басқа да қызметтерді алу үшін келген адам арнайы жабдықталған және өңделетін орындарда көмек алады. Құқық қорғау органдары тарапынан көмекке мұқтаж кез келген адам алдымен 102 телефонына қоңырау шалғаны дұрыс. Қоңырау шалушының сұрайтын көмегінің сипатына байланысты қызметкермен жеке немесе телефон арқылы сөйлесуге мүмкіндігі болады.

Шақыруларға қызмет көрсету

Құқық қорғау органдары қызмет көрсету үшін шұғыл шақыруларға ден қоюды жалғастыратын болады. Сонымен қатар, олар мүмкіндігінше әлеуметтік қашықтықты ұстанады. Егер коронавирустың әсер ету қаупінің қандай да бір белгілері болса, қызметкерлер қауіпсіздікті қамтамасыз ету бойынша шаралар қабылдай отырып, шақыруға қызмет көрсетеді. Оқиға болған жерді тексеру қажеттілігі болмаған жағдайда, қызметкерлер сіздің үйден, кеңседен және машинадан тыс жерлерде сұрау жүргізеді. Шұғыл емес жағдайларда қылмыс немесе өзге құқық бұзушылық туралы арызды Құқықтық статистика жөніндегі комитеттің (qamqor.gov.kz) сервистері арқылы электрондық режимде беру ұсынылады. Мұнда оның қаралуын қадағалауға болады.

Істерді тергеп-тексеру

Мүмкіндігінше тергеу әрекеттері кейінге қалдырылатын болады. Сондай-ақ электронды форматта тергеу жүргізілетін істердің санаты кеңейтілетін болады.

Прокуратура органдарына шағымдар

Прокуратура органдары шағымдарды әдеттегі тәртіппен қарауды жалғастырады, тек жеке қабылдау неғұрлым кеш мерзімге ауыстырылатын болады. Шағымдарды электрондық үкімет порталы (egov.kz) арқылы беру ұсынылады.

Қылмыстық істерді сотта қарау

Соттар ауыстырылуы немесе кейінге қалдырылуы мүмкін емес істерді қарайды. Мүмкіндігінше қашықтықтан қарау әдістері қолданылатын болады.