Қарағандыда заңсыз ойын бизнесін ұйымдастыру деректерінің жолы кесілді

04 ақпан 2019 Версия для печатиВерсия для печатиPDFPDF

Қарағанды облысының прокуратурасы заңсыз ойын бизнесін ұйымдастыру деректерін жоюға және оларға жол бермеуге бағытталған шаралар қолдануда.

Соңғы 2 жылда прокурорлар соттарда заңсыз ойын бизнесі саласына қатысты 17 қылмыстық істер бойынша мемлекеттік айыптауды қолдап, 19 тұлғалар түрлі жаза мерзімдеріне тартылып, 100-ден астам ойын автоматтары жойылды.

Ағымдағы жылдың басынан бері қадағалау жүргізуші ведомствоның үйлестіруімен рейдтік іс-шаралар барысында облыс орталығының және серіктес елді мекендердің 19 сауда орындарында 46 ойын автоматтары тәркіленді, Қылмыстық кодекстің 307 б. 3 б. (заңсыз ойын бизнесін ұйымдастыру) сәйкес сотқа дейінгі тергеп-тексеру басталды.

 «Ойын бизнесі туралы» Заңға сәйкес Қазақстан аумағында ойынға арналған құрылғыларды кәсіпкерлік мақсатта орнатуға тыйым салынатынын естеріңізге саламыз. Тек Алматы облысының (Қапшағай су қоймасының аумағы) және Ақмола облысының Щучинск ауданында ғана, оның өзінде тек жергілікті атқарушы орган бекіткен жерлерде, ойын автоматтарын кәсіпкерлік мақсатта орнатуға болады. 

Көрінеу заңсыз ойын орнын ашуға немесе ойын бизнесін ұйымдастыруға ғимараттар, үй-жайлар беру де заңға қайшы болып табылады.

 Аталған әрекеттер қылмыстық құқық бұзушылық болып табылады және ол үшін Қылмыстық кодекстің 307 б. сәйкес мүлікті тәркілеумен 7 жылға дейін бас бостандығынан айыру жазасы қарастырылған.

 

Қарағанды облысының прокуратурасы

Пікірлер

Жаңа пікірді жазу